Аҡмулла аманатына тоғробоҙ

— 14 декабрь, Башҡорт теле көнөндә, Мифтахетдин Аҡмулла һәйкәленә сәскә һалыу тантанаһы булды. Унда власть органдары, йәмәғәт ойошмалары вәкилдәре, республиканың юғары уҡыу йорттары, колледждары студенттары, уҡытыусылары ҡатнашты.

Унда Бөтә донъя башҡорттары ҡоролтайы Башҡарма комитеты рәйесе, Дәүләт Йыйылышы — Ҡоролтай депутаты Юлдаш Йосопов педагогия университетының башҡорт телен һаҡлау буйынса ҙур эш алып барғанын билдәләне, ректор Салауат Сәғитовҡа милли ойошманың иң ҙур наградаһын — «Ал да нур сәс халҡыңа!» миҙалын тапшырҙы.