Майҙансыҡтан - ҙур еңеүҙәргә

Ауырғазы районының Степановка ауылында, "Айыҡ ауыл" республика конкурсында еңеү уңайынан, 2024 йылда яңы спорт майҙансығы төҙөлдө. Ул ябай объект ҡына түгел, ә балаларҙы, йәштәрҙе, өлкәндәрҙе үҙенә йәлеп итеп, туплап торған ысын үҙәккә әйләнде.

Һөҙөмтәлә Степановканың йәш спортсылары хәҙер төрлө ярыштарҙа даими ҡатнаша, уңыш ҡаҙана. Күптән түгел "Ауырғазы арена" стадионында үткән мини-футбол буйынса турнирҙа ла улар ауыл данын лайыҡлы яҡлаған.