Мурманск өлкәһендә «Башҡортостан Республикаһы көндәре»

Мурманск өлкәһе Кировск ҡалаһының «Самрау» башҡорт-татар берләшмәһе төркөмөндә хәбәр итеүҙәренсә, «Шишмә» клубының милли мәҙәниәттәр музейында «Башҡортостан Республикаһы көндәре» исемле күргәҙмә асылды.

Ай дауамында ҡала халҡы унда булып, башҡорт халҡының көнкүреш мәҙәниәте менән таныша аласаҡ. Ял көндәрендә оҫталыҡ дәрестәре үткәреләсәк, башҡорт фильмдары һәм йәнһүрәттәре күрһәтеләсәк, башҡорт өҫтәл уйындары менән танышыу ойоштороласаҡ.