Йәштәр - илдең берҙәмлеге өсөн

Әле республикабыҙҙың Йылайыр районында "Илдең берҙәмлеге – берҙәмлек өсөн" йәштәр фестивале бара. Кисә башланған сара иртәгәгә, 17 июлгә, тиклем дауам итәсәк.

Фестивалдә барлыҡ республикабыҙҙан 600-ҙән ашыу йәш замандашыбыҙ ҡатнаша.

Йыйын дүрт тематик йүнәлеште берләштерә:
— «Аҫылташ» йәштәр форумы. Унда йәш яҡташтар берләшмәләренең 300-ҙән ашыу вәкиле йыйылды;
— эшләгән йәштәр йәйге көндәрен турист слеттарында үткәрә;
— студенттар советтары, студент ятаҡтарының профсоюздары әүҙемселәре шулай уҡ турист слетында ҡатнаша;
— «Бергә» йәштәр форумы илдең ҙур ҡалаларында белем алған 50 Башҡортостан студентын берләштерҙе.

Форумда Бөтә донъя башҡорттары ҡоролтайынан Президиум ағзаһы Тимур Вәлитов та ҡатнаша. Ул сәйәси блогинг темаһына сығыш яһап, йәштәргә ошо йәһәттән киң мәғлүмәт бирҙе.