Сосланбәк Тавасиев исемендәге йәмәғәт премияһы

Награда республикабыҙҙың, башҡорт халҡының милли ғилми һәм мәҙәни мираҫын һаҡлауға, нығытыуға, үҫтереүгә ҙур өлөш индергән башҡа милләт вәкилдәренә тапшырыла.

Йәмәғәт премияһы дүрт номинация буйынса бирелә:

Автор. Төрлө жанрҙағы сәнғәт һәм әҙәби әҫәрҙәр ижад иткән, ғилми тикшеренеүҙәр, эшләнмәләр яҙған, уҡыу программалары булдырған өсөн.

Мәғрифәтсе. Фәндәге, мәҙәниәттәге ҡаҙаныштар һәм мәҙәни, тарихи, рухи-әхлаҡи ҡиммәттәрҙе популярлаштырған өсөн.

Остаз. Белем биреү эшмәкәрлегенә һәм ижади, ғилми йәки белем биреү кадрҙары резервын булдырыуға ҙур өлөш индергәне өсөн.

Ойоштороусы. Мәҙәниәт, гуманитар фәндәр һәм мәғариф өлкәһендә ижтимағи йәһәттән мөһим сараларҙы, проекттарҙы әҙерләгән, ойошторған һәм тормошҡа ашырған өсөн.

2023 йылда 10 кеше наградаға лайыҡ булды.