Бүздәктә - «Халиҡов уҡыуҙары»

Бына етенсе йыл инде Бүздәк районы башҡорттары ҡоролтайы башҡарма комитеты рәйесе, башҡорт теле уҡытыусыһы З.Р. Мостафина етәкселегендә «Халиҡов уҡыуҙары» үтә. Быйыл республика уҡыусылары араһында ғилми-ғәмәли конференция олуғ шәхесебеҙ Муллайән Халиҡовтың 130 йыллығына һәм Рәсәйҙә Ғаилә йылына бағышланды.

Конференцияла ситтән тороп 473 уҡыусы ҡатнашҡайны, уларҙың 151-е еңеүселәр, призерҙар булып танылды.