Мифтахетдин Аҡмулланың тыуыуына 190 йыл

Бөтә донъя башҡорттары ҡоролтайы ағымдағы йылдың 15 ноябренән 14 декабргә тиклем халҡыбыҙҙың арҙаҡлы шәхесе, бөйөк мәғрифәтсе Мифтахетдин Аҡмулланың тыуыуына 190 йыл тулыуға ҡарата һәм Башҡорт теле көнө айҡанлы шиғри флешмоб иғлан итә.

Бәйгенең шарттары бик ябай: үҙегеҙ һайлап, Аҡмулланың шиғырын яттан һөйләргә, видеоға төшөрөргә, уны социаль селтәрҙәге шәхси сәхифәләрегеҙгә #Аҡмулла , #БашҡортТелеКөнө, #Ҡоролтай, #Курултай хештегтары менән һалырға кәрәк.

Шуныһын иҫегеҙҙә тотоғоҙ: видеояҙманың оҙонлоғо 2 минуттан артырға тейеш түгел!

Шулай уҡ, флешмобҡа тәҡдим ителгән видеояҙмала:

• ҡатнашыусының исем-шәрифе

• йәшәгән урыны (ҡала, район)

• әҫәр исеме яҙылырға тейеш.

Хәйерле сәғәттә! Уңыштар!