Ғәйнә ризыҡтары — телеңде йоторлоҡ

Бөгөн Пермь крайының Барҙа районында тарихи ваҡиға — тантаналы рәүештә «Ата-бабаларҙың алтын китабы» аллеяһы асылды, тип хәбәр иткәйнек.

Байрам уңайынан Барҙала «Ғәйнә башҡортлары ашлары» тип аталған аш-һыу күргәҙмәһе ойошторолған. Шулай уҡ «Ғәйнәләр: минең халҡым, телем, тарихым ата-бабаларҙан ҡалған алтын китаптарҙа» проектына ярашлы, төньяҡ-көнбайыш башҡорттары диалектында ошо уҡ исемдәге брошюра сығарылған. Унан тыш урындағы башҡорттар ҡоролтайы тарафынан ошо баҫмалағы рецептар буйынса аш-һыу әҙерләүгә конкурс та иғлан ителгән булған, бөгөн иһә аш-һыу күргәҙмәһендә уға йомғаҡ яһалды һәм «Бала саҡ тәме», «Беҙҙең өлөсәйҙәр бешергән тәмлекәстәр», «Ғәйнә башҡорттарының онотолған аш-һыуҙары», «Ғәйнә башҡорттарының бренд булған ризыҡтары», «Иң үҙенсәлекле, күркәм ризыҡ», «Иң шәп кулинар» тигән биш номинация буйынса еңеүселәр иғлан ителде.