|
Яңылыҡтар
Милли кейем көнөнә арналған открыткалар серияһы сыҡтыБашҡортостан Республикаһы халыҡтарының Милли кейеме көнөнә арналған открыткалар серияһы почта әйләнешенә сыҡты. Тематик серия өс открытканан тора, уларҙа көньяҡ башҡорт ҡатын-ҡыҙҙарының байрам кейеме, йорт старшинаһы костюмы һәм Ҡурған башҡорт ҡатын-ҡыҙҙары өсөн байрам костюмы һүрәтләнгән. Открыткалар баҫтырыу республиканың Мәҙәниәт министрлығы менән Башҡортостан Республикаһының Федераль почта элемтәһе идаралығы башланғысы менән тормошҡа ашырылған. Асылмаларҙың алғы яғында рус һәм башҡорт телдәрендә аңлатма бирелгән. Открыткаларға стандарт почта маркаһы ҡуйылған һәм улар бөтә Рәсәй буйлап әйләнештә йөрөй ала. Башҡорт милли тематикаһына бәйле почта продукцияһы элек тә сыҡҡан. Тәүге тапҡыр 1933 йылда «СССР халыҡтары» серияһында тирмә һәм башҡорт аты фонында милли кейемдәге башҡорттар һүрәте төшөрөлгән марка әйләнешкә сығарыла. Шунан башлап Башҡортостан тарихына, тәбиғәтенә, күренекле милләттәштәребеҙгә арналған конверттар, маркалар һәм открыткалар йөҙәрләгән тапҡыр баҫтырыла. |