|
|
||
Яңылыҡтар
Башҡорт теле йылы сағыу тамаша менән тамамланды14 декабрь Башҡортостан Республикаһы Башлығы указы менән «Башҡорт теле көнө» һәм 2020 йыл Башҡорт теле йылы тип иғлан ителгәйне. Ошо айҡанлы тотош республикала һәм милләттәштәр күпләп йәшәгән төбәктәрҙә йыл дауамында башҡорт телен популярлаштырыу, һаҡлау һәм үҫтереүгә йүнәлтелгән төрлө саралар ойошторолдо. Тематик йылға йомғаҡлау 14 декабрҙә уҙҙы, төп тантана Өфөлә «Башҡортостан» дәүләт концерт залында үтте. Киске етелә ҙур залда «Тамыр» телеканалы әҙерләгән концерт программаһы башланды. Ул ҡоролтай иғлан иткән бәйгеләрҙә еңеүселәрҙе билдәләү тантанаһы менән бергә үрелеп барҙы. Сарала Хөкүмәт вәкилдәре, Дәүләт йыйылышы депутаттары, дәүләт ойошмалары етәкселәре ҡатнашты. «Башҡорт теле йылы» проекты БР Гражданлыҡ йәмғиәтенә булышлыҡ итеү фонды ярҙамында Башҡортостан Республикаһы Башлығы грантына тормошҡа ашырыла. Сарала төшкән фотоһүрәттәрҙе «Бәйләнештә» социаль селтәрендәге төркөмдә ҡарарға мөмкин. Видео һәм фото: E7E-media |
||
|
