Татарстан башҡорттары конференцияла ҡатнашырға саҡыра

«Хәҙерге Рәсәйҙә милләт-ара мөнәсәбәттәр: проблемалар һәм хәл итеү юлдары» Бөтә Рәсәй фәнни-ғәмәли конференцияла ҡатнашыу өсөн Рәсәйҙең бөтә төбәктәренән яҡын һәм алыҫ сит илдәрҙән 14-тән 35 йәшкә тиклем барлыҡ теләүселәр саҡырыла.

«Дуҫтар, беҙҙең конференцияла ҡатнашыуығыҙҙы һорайбыҙ!Әйҙәгеҙ, Башҡортостан мәҙәниәте, традициялары, ғөрөф-ғәҙәттәре, йолалары, башҡорт теле хаҡында мәҡәләләр яҙайыҡ! Конференция тураһында үҙегеҙҙең төбәктәрҙә мәғлүмәт таратҡан өсөн рәхмәтебеҙҙе белдерәбеҙ», - ти Ғәли Хәсәнов, Татарстан Республикаһы башкорттары ҡоролайы етәксеһе.

Конференцияны ойоштороусылар:

1. Рәсәй башҡорттарының Федераль милли-мәҙәни автономияһы;

2. Татарстан Республикаһы башҡорттары ҡоролтайы — башҡорт төбәк милли-мәҙәни автономияһы;

3. ТүбәнгеКама ҡалаһы «Урал» башҡорт милли-мәҙәни автономияһы;

4. Ҡазан технологик тикшеренеүҙәр милли университетының филиалы Түбәнге Кама химик-технология институты;

5. «Ҡазан технологик тикшеренеүҙәр милли университеты»;

6. Татарстандың Халыҡтар дуҫлығы йорто;

7. ТКМР Башҡарма комитетының мәғариф идаралығы.

Конференцияла ситтән тороп та, урындан да ҡатнашырға була.

Конференцияла ҡатнашыусыларға 2020 йылдың 11 декабренә тиклем ойоштороу комитеты e-mail адресына документтарҙың тулы пакетын ебәрергә.

Йомғаҡлау этабы 2020 йылдың 11 декабрендә ТүбәнгеКама химик-технология институтында үтәсәк (Татарстан Республикаһы, ТүбәнгеКама ҡалаһы, Төҙөүселәр проспекты, 47).

Конференцияла ҡатнашыусыларбарыһына ла сертификат тапшырыла, призерҙар һәм еңеүселәр — диплом һәм приздар менән бүләкләнә.

Конференцияля ҡатнашыу бушлай.

Конференцияла ҡатнашыу шарттары һәм положениеһы сайты:

https://www.nchti.ru/vserossijskaya-nauchno-prakticheskaya-konferenciya-mezhnacionalnye-otnosheniya-v-sovremennoj-rossii-problemy-i-puti-resheniya

Конференция йомғаҡтары буйынса йыйынтыҡ баҫтырыу ҡаралған һәм хеҙмәттәрҙе электрон төрҙә www.nchti.ru сайтында күркергә була.

Бәйләнеш өсөн телефондар: 89172270718, 89172909736 Динара Фәнис ҡыҙы