|
|
||
Яңылыҡтар
Владимир өлкәһе башҡорттары балалар йортондағы кескәйҙәргә байрам эшләнеВладимир өлкәһе башҡорттары ҡоролтайы вәкилдәре Собинка ҡалаһындағы балалар йортона күстәнәстәр алып барҙы. Улар алдан аҡса йыйып, тәмлекәстәр һатып алған.
Ҡоролтайҙың әүҙем ағзаһы Альбина Вәлитованың тәҡдимен бөтәһе лә дәррәү күтәреп ала. 20 балаға бүләк әҙерләнгән. Халыҡ берҙәмлеге көнө уңайынан кескәйҙәр өсөн ысын байрам булды. Владимир өлкәһе башҡорттары ҡоролтайы етәксеһе Лиана Әхмәтшина әйтеүенсә, был балалар йортона улар даими йөрөргә ниәтләй. Киләһе осрашыуҙа Лиана уҡыусыларға башҡорт биҙәктәре менән семәрләнгән беләҙектәр эшләргә өйрәтмәксе. «Башҡорт милли бәлеше -гөбәҙиәләр бешереп алып барырға уйлайым. Оҫталыҡ дәресенән һуң балалар менән сәй эсеп, туйғансы һөйләшеп ултырырға ине. Балалар янына килгән һайын, күңелгә йылы булып китә. Бәләкәстәрҙе ҡыуандырып, үҙең дә бәхеткә тулғандай булаһың», — ти Лиана Әхмәтшина. |
||
|
