Башҡорт батырының ғәҙелһеҙ яҙмышы

Әүҙем йәмәғәтсе, Яңауыл районы башҡорттары ҡоролтайы рәйесе Рафаил Яхин яҡташы, хәрби осоусы, Бөйөк Ватан һуғышы ҡаһарманы Ғафур Шарыгиндың хәрби юлын һәм биографияһын өйрәнә. Рафаил Заян улы әйтеүенсә, Шарыгиндың тарихы оло ғәҙелһеҙлек менән мөһөрләнгән.

Ғафур Шарыгин 1942 йылда фашистар тотҡононан ҡаса, унан да бигерәк дошмандың бомбардировщигын урлап алып китеүгә өлгәшә. Әйткәндәй, һуңғараҡ, 1945 йылдағы ошондай уҡ батырлығы өсөн билдәле совет осоусыһы Михаил Девятаев Советтар Союзы геройы тигән юғары исем менән бүләкләнһә, Ғафур Садришариға улын тыуған илдә миҙал түгел, ә хәрби суд һәм төрмә көтә.

Был тарих тураһында Рафаил Яхиндың яҙмаһында тыңлағыҙ: