|
Яңылыҡтар
Башҡорт халҡының үҫеш стратегияһыСтратегия 2020 йылдың 25 декабрендә «Бөтә донъя башҡорттары ҡоролтайы (конгресы)» йәмәғәт ойошмалары халыҡ-ара берлегенең Башҡарма комитеты тарафынан ҡабул ителде. Документтың төп маҡсаты — дәүләт мәнфәғәттәрен, дөйөм кешелек өҫтөнлөктәрен иҫәпкә алып, башҡорт халҡын үҫтереү, халыҡтың этномәҙәни үҙенсәлеген һаҡлау, граждандарҙың конституцион хоҡуҡтарын һәм иректәрен тәьмин итеү өсөн шарттар булдырыу. Башҡорт халҡының үҫеш стратегияһына Ҡушымта ла әҙерләнгән. Унда авторҙар Стратегиялағы төп тезистарҙы һәм маҡсаттарҙы айырым яҙып, уларҙы тормошҡа ашырыу юлдарын билдәләй. Бөтә донъя башҡорттары ҡоролтайы документты төҙөүгә ҡағылышы булғандарҙың барыһына ла әүҙем ҡатнашҡандары өсөн рәхмәт белдерә. Айырым рәхмәт Башҡортостан Республикаһы Фәндәр академияһы вице-президенты Аҡманов Айтуған Ирек улына һәм Башҡортостан Республикаһының Стратегик тикшеренеүҙәр институты хеҙмәткәрҙәре —Йосопов Юлдаш Мөхәммәт улына, Аҫылғужин Рәфил Рифғәт улына, Бердин Азат Таһир улына, Зәйтүнов Рәсих Батыр улына еткерелә. |