|
Яңылыҡтар
Ҡыҙыу бәйләнешкә башҡа төбәктәрҙән дә мөрәжәғәт итәләр10-11 декабрҙә «Айыҡ ауыл» республика конкурсы сиктәрендә Ҡыҙыу бәйләнеш ойошторолдо. Республика халҡының һорауҙарына табиптар: БР наркологтары ассоциацияһы президенты Владимир Юлдашев, нарколог Илдар Кирамов, нарколог Илһам Байгөбәков, психотерапевт Илгиз Байков, психотерапевт Гүзәл Байбулатова, медицина психологы Татьяна Семенова, медицина психологы Лениза Ямаева, медицина психологы Наталья Мостафина яуап бирҙе.
«Үткән акциялар менән сағыштырғанда, был юлы райондарҙан күп шылтыраттылар. Республика халҡы ярҙам һорарға тартынмай, белгестәргә мөрәжәғәт итә- был ыңғай күренеш. Ошондай сараларҙың күберәк булыуы кәрәк. Шылтыратыусылар менән әңгәмәләшкәндән һуң, шуныһы асыҡлана: күптәр ярҙам һорап, ҡайҙа, кемгә мөрәжәғәт итергә белмәй»,-ти Республика наркология диспансеры табибы Диләрә Сафина. Республиканың төрлө төбәгенән-Нуриман, Әбйәлил, Әлшәй, Йылайыр райондарынан, Өфө, Стәрлетамаҡ, Яңауыл ҡалаларынан мөрәжәғәт иткәндәр. Татарстан һәм Мордовиянан да шылтыратыусылар булған. Мөрәжәғәт итеүселәрҙең 75% ашыуы башҡорт телендә консультация алған. |