Иглин ауылында "Хыялый" спектакле 12+

Бер мәл төпкөл ауылға эшкә тип доктор ҡыҙ килә. Ҙур йорттарында сөкөрләшеп, икеһе генә торған Ғиззәт ҡарт менән Шәрифә инәй йортона урынлаштыра ҡыҙҙы ауыл администрацияһы. Врач ҡыҙҙың исеме Йондоҙ. Тиҙҙән ҡыҙ юғары маҡсаттары, һылыулығы, маҡтаулы эштәре менән ауыл халҡының ихтирамын яулай. Ә Ғиззәт ҡарт уға һоҡланып бағып, йәшлеген иҫкә төшөрөп, Йондоҙға ғашиҡ була?! Йөрәкһеп, хисләнеп, ярһып күккә талпына, хатта үҙ ҡулдары менән самолет эшләп… осоп китә!